Gəncədəki Azərbaycan Dövlət Aqrar Universitetində “Əhalinin və ərazilərin fövqəladə hallardan qorunması və yanğın təhlükəsinə qarşı hazırlığın təşkili” mövzusunda əməkdaşlar və tələbələr üçün tədbir təşkil olunub. Bu haqda 2 may tarixində ADAU-ya istinadən xəbər veririk.
Tədbirin məqsədi müəllim və tələbələrin fövqəladə hallarla bağlı davranış qaydaları və təhsil müəssisəsində baş verə biləcək yanğın hadisələrinin qarşısının alınmasında profilaktik tədbirlərin görülməsinə nail olmaqdır. Burada yanğınların başvermə səbəbləri və bu zaman zəruri davranış qaydaları barədə ətraflı məlumat verilib. Daha sonra FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
Toplantıda Fövqəladə Hallar Nazirliyinin Dövlət Yanğın Nəzarəti Xidmətinin yanğına qarşı təbliğat şöbəsinin böyük təlimatçısı Nizami Fərəcov və Gəncə Regional Dövlət Yanğın Nəzarəti İdarəsinin rəis müavini polkovnik-leytenant Ramil Haqverdiyev iştirak ediblər.
