Gəncədə mülki müdafiə kursları keçirilib. Bu haqda 24 yanvar tarixində Fövqəladə Hallar Nazirliyinə istinadən məlumat veririk.
"Xilasetmə manqasının komandirləri" kateqoriyası üzrə kurslar FHN-in Gəncə Regional Mərkəzində təşkil olunub. Burada iştirakçılara əhalinin baş verə biləcək fövqəladə hadisələrdən qorunma üsulları, fərdi və kollektiv mühafizə vasitələrindən istifadə qaydaları, idarəetmə orqanlarının əhalinin mühafizəsi sahəsindəki rolu ilə bağlı məşğələlər keçirilib. Kurslarda zərərçəkmişlərə ilk tibbi yardımın göstərilməsi, mülki müdafiə qüvvə və vasitələrinin idarə olunması üzrə bacarıqlarının təkmilləşdirilməsi, mülki müdafiə sahəsində vəzifələrin yerinə yetirilməsinə dair mövzular təqdim edilib.
Dinləyicilər xüsusi xilasetmə avadanlıqları ilə də yaxından tanış olublar. Sonda kursları müvəffəqiyyətlə başa vurmuş dinləyicilərə şəhadətnamələr təqdim edilib.
