Gəncədə maarifləndirici tədbirlər keçirilib. Bu haqda 25 avqust tarixində FHN-ə istinadən məlumat veririk.
Fövqəladə Hallar Nazirliyinin Dövlət Yanğın Nəzarəti Xidməti səlahiyyətlərinə uyğun olaraq, yanğın təhlükəsizliyi ilə bağlı əhalinin maarifləndirilməsi məqsədilə silsilə tədbirləri davam etdirir. Növbəti görüşlər Gəncə Uşaq Evində, 4 saylı Psixonevroloji Sosial Xidmət müəssisəsində və 1 saylı Gəncə Regional “Asan Xidmət” Mərkəzində təşkil olunub.
Burada yanğınların başvermə səbəbləri və qarşısının alınması yolları, yanğın zamanı zəruri davranış qaydaları barədə məlumat verilib və ilkin yanğınsöndürmə vasitələrindən istifadə qaydaları əyani şəkildə nümayiş etdirilib, mövzu ilə bağlı geniş müzakirələr aparılıb, zəruri tövsiyələr verilib. Həmçinin iştirakçıların sualları cavablandırılıb.
