Gəncədə fiziki məhdudiyyətli uşaqlar üçün təlim keçirilib. Bu haqda 28 iyun tarixində “Fərəh” Sosial İctimai Birliyinə istinadən məlumat veririk.
Təlim “Fərəh” Sosial İctimai Birliyi, Gənclər və İdman Baş İdarəsi və Gənclər Evinin birgə təşkilatçılığı ilə həyata keçirilən "Yaradıcılıq Məhdudiyyət Tanımır" layihəsi çərçivəsində baş tutub. İB-nin üzvləri “Yastığın hazırlanması” mövzusunda ustad dərsində iştirak ediblər.
Seminar Gənclər Evinin Tikiş və toxuculuq kursunun rəhbəri Xatirə Mamedova və Aytən Alızadə tərəfindən aparılıb.
Məqsəd sağlamlıq imkanları məhdud şəxslərin cəmiyyətə inteqrasiyasını təmin etmək, onlarda diqqət, kiçik motorika bacarıqları və sensor inkişafına dəstək olmaqdır.