Gəncəli gənclər ekskursiyada olublar. Bu haqda 14 avqust tarixində Regional Gənclər və İdman idarəsinə istinadən məlumat veririk.
Nizami yurdunun fəal gəncləri Minatəmizləmə Agentliyinin Təlim Bazasına baş çəkiblər. Səfər Gəncə -Daşkəsən Regional Gənclər və İdman İdarəsinin təşkilatçılığı ilə baş tutub. Tədbirdə Azərbaycan Respublikasının Minatəmizləmə Agentliyinin (ANAMA) Göygöl Təlim Bazasında iş prosesi ilə yaxından tanış olmaqla minadan qorunma yolları haqqında danışılıb.
Qonaqlara burada ANAMA-nın Göygöl Təlim Bazasının əməkdaşı tərəfindən minadan təhlükəsiz davranış qaydaları, minatəmizləmə prosesi və işğaldan azad edilən ərazilərdə mövcud mina təhlükəsi haqqında geniş məlumat verilib. Tədbirdə gəncləri maraqlandıran suallar ANAMA-nın əməkdaşları tərəfindən cavablandırılıb. Burada ümumilikdə 20-yə yaxın gənc iştirak edib.
