Gəncə sakinləri üçün vətəndaş qəbulu baş tutacaq. Bu haqda 3 aprel tarixində ƏƏSMN-ə istinadən məlumat veririk.
Əmək və əhalinin sosial müdafiəsi nazirinin müavini Anar Kərimov 16 aprel tarixində Göygölə səfər edəcək. O, burada Göygöl ilə yanaşı, Gəncə sakinlərini də qəbul edəcək.
Görüşə gələn vətəndaşların Əmək və Əhalinin Sosial Müdafiəsi Nazirliyinin səlahiyyət dairəsinə aid sualları cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Tədbirə qatılmaq istəyən şəxslər 3-8 aprel tarixlərində Nazirliyə rəsmi şəkildə (info@sosial.gov.az elektron ünvanı və ya poçt vasitəsilə) müraciət edərək və ya “142” Çağrı mərkəzi ilə əlaqə saxlayaraq qəbula yazıla bilərlər.
