Gəncədə sahibkarlar üçün daha bir təlim təşkil olunub. Bu haqda 21 sentyabr tarixində Gəncə KOBİM-ə istinadən məlumat veririk.
"Etik davranış qaydaları" mövzusunda maarifləndirici təlim Gəncə KOB İnkişaf Mərkəzi (KOBİM) tərəfindən keçirilib. Burada 8 nəfər iştirak edib. Təlimdə KOBİM-in eksperti tərəfindən etik davranış qaydaları, müştəriyə müraciət formaları, düzgün qeyri-verbal davranış, müştəri suallarının və fikirlərinin dəqiqləşdirilməsi, müştərilərlə ünsiyyət və xidmət prosesi barədə danışılıb.
Həmçinin aydın və konkret məlumatın verilməsi, müştəri ehtiyaclarının prioritetliyi, rəqiblərin düzgün qiymətləndirilməsi, növbəlik və xidmətə başlama prosesi haqda ətraflı məlumat verilib. Sonda iştirakçıların mövzu ilə bağlı sualları cavablandırılıb.
