Gəncədə xaricdəki tələbələrlə görüş keçirilib. Bu haqda 26 yanvar tarixində ADAU-ya istinadən məlumat veririk.
Söhbət İkili Diplom Proqramı çərçivəsində Türkiyənin Ege Universitetində təhsil alan Azərbaycan Dövlət Aqrar Universitetinin (ADAU) tələbələrindən gedir. Görüş onlayn formatda baş tutub.
Tədbirdə ADAU-nun rektoru Zəfər Qurbanov həyata keçirilən İkili Diplom Proqramının hədəf və məqsədlərini tələbələrə xatırladaraq, gələcəyin dayanıqlı kənd təsərrüfatı mütəxəssisləri kimi onlara uğurlar arzu edib.
Sonra gənclərlə söhbət aparılıb. Onların fikir və təklifləri dinlənilib.
