Gəncədə avtomobil idarə edən sürücülərə DYP tərəfindən müraciət olunub. Bu haqda Gencexeber.az 10 iyun tarixində məlumat verir.
Baş Dövlət Yol Polisi İdarəsi sükan arxasında olanlara çağırış edib. Məlumat verdiyimiz kimi, bu gün "Əziz Şuşa” Beynəlxalq Velosiped Turnirinin dördüncü mərhələsi keçirilir. İdmançılar Gəncə-Şəmkir avtomobil yolu ilə Göygöl rayonu istiqamətində hərəkət edərək növbəti finiş xəttini Göygöl Dövlət Təbiət Qoruğunda keçəcəklər. Tur səhər saat 10:30-dan 15:00-dək davam edəcək.
İdman yarışının təhlükəsiz şəraitdə keçməsi üçün sürücülərdən qeyd olunan müddət ərzində velosipedçilərin hərəkət edəcəyi yollardan mümkün qədər istifadə etməmələri xahiş olunub.
