Gəncədə təhsil işçilərinin işə qəbulu start götürür. Bu haqda 25 avqust tarixində Regional Təhsil İdarəsinə istinadən məlumat veririk.
Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrində hazırda vakant olan tədris (təlim-tərbiyə) işi üzrə direktor müavini və məktəbdənkənar və sinifdənxaric tərbiyə işi üzrə təşkilatçı vəzifələrinə işə qəbul üzrə müsabiqə elan edilir. Proses 4 mərhələdən (qeydiyyat, sənədlərin yoxlanması, test və müsahibə) ibarət olacaq.
Qeydiyyat 28 avqust - 8 sentyabr tarixlərində aparılacaq. Namizədlərdən aşağıdakı sənədlər tələb olunur:
- Şəxsiyyəti təsdiq edən sənədin surəti;
- Əmək kitabçasının surəti;
- Ali təhsil haqqında sənədin və əlavənin surəti;
- Kadrların uçot vərəqi;
- Tərcümeyi-hal.
Tələblər aşağıdakılardır:
- Pedaqoji ixtisas üzrə ali təhsil;
- 3 ildən az olmayaraq pedaqoji staj;
- Hazırda ümumi təhsil müəssisəsində müəllim kimi pedaqoji fəaliyyət göstərmək.
Yalnız tələblərə cavab verən namizədlər müsabiqədə iştirak hüququ qazanacaqlar. Test imtahanında onlara pedaqogika və metodika, əmək və təhsil qanunvericiliyi, riyazi məntiq üzrə hər birinə aid 10 sual olmaqla, ümumilikdə 40 test tapşırığı təqdim ediləcək. Sualların yarısını düzgün cavablandırmış namizədlər növbəti mərhələyə keçmək hüququ qazanırlar.
