Gəncədə Əməkdar məşqçi ilə görüş baş tutub. Bu haqda 9 aprel tarixində ADAU-ya istinadən məlumat veririk.
"Vətənpərvərlik, narkomaniyaya yox deyək!, cəmiyyətdə əxlaq normaları, müasir gənclərin həyat tərzləri" adlı tədbir Azərbaycan Dövlət Aqrar Universitetinin Əsaslı Kitabxanasının təşəbbüsü ilə keçirilib. Burada Daxili İşlər Nazirliyi İdman Cəmiyyətinin əlbəyaxa döyüş baş məşqçi-müəllimi Rəsul Məmmədov tələbələrlə görüşüb. O, vətənpərvərlik ideyalarının təbliği barədə danışıb.
Mütəxəssis, həmçinin gənclərə Vətənin müdafiəsinə hər zaman hazırlıqlı olmağı, mətin dayanmağı, ağ ölümün fəsadları və gələcəkdə törədə biləcəyi nöqsanlarla mübarizə aparmağı tövsiyə edib, həmçinin cəmiyyətdə faydalı bir fərd kimi yetişmək üçün mütəmadi olaraq idmanla məşğul olmağın faydalarından söz açıb.
Sonda tələbələrin sualları cavablandırılıb.
