Gəncədə onlayn təlim keçirilib. Bu haqda 29 yanvar tarixində KOBİM-ə istinadən məlumat veririk.
"Digital marketinqə giriş" mövzusunda maarifləndirici təlim təşkil olunub. Burada qurumun eksperti digital marketinqin əsasları, sosial şəbəkələr, "Messencer" və digər rəqəmsal platformalardan istifadə xüsusiyyətləri, SMM, SEO (Google və digər axtarış sistemlərində optimizasiya), veb sayt və elektron ticarət, e-mail marketinq və digər digital həllər barədə danışıb.
Təlimdə 7 nəfər iştirakçıya sosial media resursları ilə şirkət məhsullarının təqdim edilməsi, əsas sosial platformalar və onların auditoriyası, reklam büdcəsi, müştərilərlə ünsiyyət bacarıqları, monitorinq və potensial müştərilərin cəlb edilməsi üsulları ilə bağlı məlumat verilib. Sonda iştirakçıların mövzu ilə bağlı sualları cavablandırılıb.
