Gəncədə dayanacaqlardan birinin təmirə ehtiyacı var. Bu haqda Gencexeber.az-a 28 avqust tarixində məlumat daxil olub.
Sözügedən hal şəhərin Heydər Əliyev prospektində müşahidə edilir. Burada yerləşən dayanacaq pavilyonunun dam örtüyü yararsız hala düşüb. Plastik tavanın ortasında böyük dəlik açılıb.
Sakinlər bildirirlər ki, bu hal üç ildir davam edir. Onların sözlərinə görə, yağmurlu hava şəraitində yağış suları dayanacağa axır.
“Neçə ildir bu dayanacaq belə vəziyyətə düşüb. Yağış yağanda burada durmağın mənası olmur, bütün su dayanacağın içinə tökülür. Tavanın yenilənməsini arzu edirik”, – deyə sərnişinlər qeyd ediblər.
