Daşkəsəndə 5 Oktyabr – Beynəlxalq Müəllimlər Günü ilə bağlı tədbir keçirilib.
Gencexeber.az rayon İcra Hakimiyyətinə istinadən məlumat verir ki, yığıncaqda icra başçısı Orxan Abbasov, Daşkəsən rayonu üzrə Təhsil Sektorunun müdiri Vüsal Cəfərov, rayonun ümumtəhsil və məktəbəqədər təhsil müəssisələrinin müəllimləri iştirak ediblər.
Tədbirdə rayon rəhbəri Beynəlxalq Müəllimlər Günü münasibətilə təhsil işçilərini təbrik edib, onlara xoş arzularını çatdırıb. Sonra Daşkəsən rayonu üzrə Təhsil Sektorunun müdiri Vüsal Cəfərov, şəhid müəllim Vidadi İsrəfilovun atası Vaqif İsrəfilov və digər təhsil işçilərinin çıxışları olub. Bildirilib ki, bu gün Azərbaycan müəllimi Beynəlxalq Müəllimlər Gününü qalib xalqın qalib vətəndaşları olaraq qürurla bayram edirlər.
Görüşdə ümumtəhsil məktəblərinin şagirdləri tərəfindən bədii hissə təqdim olunub.
