Daşkəsəndə “Təmiz ölkəm” adlı iməcilik aksiyası keçirilib. Gencexeber.az məlumat verir ki, işlər rayonun Xoşbulaq kəndində görülüb.
Aksiya zamanı yol, çay kənarlarından və yaşayış ərazisindən 430 kiloqram məişət tullantıları toplanaraq zərərsizləşdirilməsi üçün poliqona daşınıb. “Yaşıl dünya naminə həmrəylik ili” elan edilməsi ilə bağlı tədbirlər planına uyğun olaraq burada ictimaiyyət nümayəndələri də iştirak ediblər.
Tədbir 10 saylı Regional Ekologiya və Təbii Sərvətlər idarəsinin və Daşkəsən Rayon İcra Hakimiyyətinin birgə təşkilatçılığı ilə baş tutub.
