Gəncə şəhərində əsən güclü külək nəticəsində dam örtükləri zərər çəkmiş yaşayış binalarında, ümumi və fərdi yaşayış evlərində yenidənqurma və təmir-bərpa işləri həyata keçirilir. Bu haqda 1 avqust tarixində MKTİB-yə istinadən xəbər veririk.
MKTİB tərəfindən görülən işlər çərçivəsində hazırda 1-ci mikrorayon ərazisindəki 5 saylı yaşayış binasında yenidənqurma işləri aparılır. Adıçəkilən ünvandakı binanın dam örtüyünün yararsız hissəsi MKTİB-nin əməkdaşları tərəfindən sökülərək yenidən yığılır. Həmin hissədə yeni taxta karkas yığılıb və "profnastil" metal konstruksiyası ilə örtülür. İşlər yaşayış binasının 156 kvadratmetr sahəsində aparılır.
Hazırda binanın dam örtüyündə görülən işlər son mərhələdədir. Məlumat üçün bildirək ki, təmir-bərpa işləri MKTİB-nin Təmir-Tikinti və Qəza xidməti şöbəsi tərəfindən icra olunur. İşlərin vaxtında və keyfiyyətlə aparılması üçün əraziyə birliyin lazımi texnikası və canlı qüvvəsi cəlb edilib.
