Gəncədə prospektlərin birində kommunal qəza qeydə alınıb. Bu haqda Gencexeber.az-a 21 dekabr tarixində məlumat daxil olub.
Bu hal Zərifə Əliyeva prospekti, 231 ünvanındakı binanın qarşısında müşahidə olunur. Adıçəkilən ərazidə evlərə verilən yeraltı su xətti partlayıb. Nəticədə həmin yerdən sızan su Zərifə Əliyeva prospekti boyunca axır. Bu da gölməçələrin yaranmasına səbəb olur.
Sakinlərin sözlərinə görə, bu vəziyyət artıq bir neçə aydır davam edir. Onlar bu məsələnin hal olunmasını istəyirlər.
