“Vətəndaş Cəmiyyətində Debat” İctimai Birliyinin nəzdində fəaliyyət göstərən Gəncə Regional Debat Mərkəzinin təşkilatçılığı ilə layihə təşkil edilib. Bu haqda 1 may tarixində Gənclər Evinə istinadən xəbər veririk.
Gəncə Gənclər Evində “Dəyirmi masa - Məşğulluq” layihəsi keçirilib. Burada gənclərimiz üçün məşğulluq sahəsi ilə bağlı təlim təşkil edilib. Təlimdə 90-a yaxın gənc iştirak edərək regionda mövcud olan məşğulluq problemini araşdırıb, həlli yolunda təkliflər irəli sürüblər. Daha sonra gənclər “İdeal işçi” modelini təsvir ediblər.
Görüşün əsas məqsədi məşğulluq sahəsi ilə maraqlanan gənclərin bu sahə üzrə bilik və bacarıqlarının artırılması, natiqlik, komanda ilə işləmə, araşdırma və təqdimat bacarıqlarının inkişaf etdirilməsidir. Həmçinin onları əldə edə biləcəkləri fürsətlərlə bağlı məlumatlandıraraq inkişaflarına töhfə verməkdir.
