Gəncədə daha bir ərazidə piyadalar üçün təhlükəli vəziyyət yaranır. Bu haqda Gencexeber.az-a 3 iyul tarixində məlumat daxil olub.
Söhbət “Dəyirmanın kruqu” adlanan dairədən gedir. Burada Şah İsmayıl prospekti, Üzeyir Hacıbəyov və Yusif Məmmədəliyev küçələri kəsişir. Sakinlər bildirirlər ki, ərazidə yolu keçmək olduqca təhlükəlidir. Dairənin yaxınlığında nə piyada keçidi, nə də işıqfor yoxdur.
“Maşınların çox hərəkət etdiyi yerdir. Sürət yüksəkdir, küçələr də enlidir. Yolu keçəndə təhlükə ilə üz-üzə qalırıq. Neçə dəfə qəza şəraiti yaranıb. Burada piyadaların təhlükəsiz hərəkəti təmin edilsə, yaxşı olar”, - deyə onlar qeyd ediblər.
