Gəncədə daha bir konfrans keçirilib. Bu haqda 1 iyun tarixində İcra Hakimiyyətinə istinadən məlumat veririk.
“Heydər Əliyev ideyaları Gəncənin yüksəlişinin istinad mənbəyidir” mövzusunda konfrans İcra Hakimiyyəti və “Azərbaycan” qəzetinin birgə təşkilatçılığı ilə baş tutub. Tədbir Heydər Əliyevin anadan olmasının 100 illik, Milli Qurtuluş Gününün 30 illik yubileylərinə həsr olunub. Burada icra başçısı Niyazi Bayramov, Milli Məclisin deputatı Bəxtiyar Sadıqov, İcra Hakimiyyəti başçısı Aparatının məsul əməkdaşları və şəhər ziyalıları iştirak ediblər.
Niyazi Bayramov ulu öndərin xalqı və dövləti qarşısındakı misilsiz xidmətlərindən söz açıb. Bəxtiyar Sadıqov Heydər Əliyevin həyat və siyasi faəliyyətindən danışıb.
Konfransın davamında “Heydər Əliyev Gəncənin yüksəlişinin və quruculuğunun banisidir”, “Heydər Əliyev irsi Gəncədə layiqincə yaşadılır”, “Heydər Əliyevin müəyyənləşdirdiyi düzgün strategiya Azərbaycanı Zəfərə apardı” və “Heydər Əliyev ideyaları gəncəli gənclərin istinad mənbəyidir” mövzularında məruzələr dinlənilib.
