Gəncədə bir sıra küçələrdə kanalizasiya sistemi yoxdur. Bu haqda Gencexeber.az-a 1 iyul tarixində məlumat daxil olub.
Söhbət şəhərin general Zeynalov, Adil Babayev, Məmməd Məhərrəmov, Xalıqov və general Şıxlinski küçələrindən gedir. Burada evlər kanalizasiya sistemi ilə təchiz olunmayıb. Sakinlər bu vəziyyətdən narazı olduqlarını bildirirlər.
“Hərə öz həyətində quyu qazıb, çirkab suları ora axıdır. Evlərin qabağı ilə arx gedir. Bəzi evlərin çirkab suları ora tökülür. Yağış yağanda həmin arx daşır və hər yanı pis qoxu bürüyür. Üstəlik, antisanitar vəziyyət yaranır. Bizim əraziyə də kanalizasiya sisteminin çəkilməsini istəyirik”, - deyə burada yaşayan əhali bildirib.
