Gəncədə küçələrin birində sakinlər qazla bağlı çətinlik çəkirlər. Bu haqda Gencexeber.az-a 19 mart tarixində məlumat daxil olub.
Söhbət şəhərin Bayan küçəsindən gedir. Sakinlərin sözlərinə görə, burada bir həftədir ki, qazın təzyiqi azdır. Bu səbəbdən kombi sistemi tez-tez fəaliyyətini dayandırır. Onlar dəfələrlə aidiyyəti quruma müraciət etdiklərini, lakin heç bir nəticənin əldə olunmadığını bildirirlər.
“Çaydan qaynada, yemək bişirə bilmirik. Evdə azyaşlı uşaqlar var, kombi sönür, soyuq olur. Tez-tez xəstələnir övladlarımız. Qazın təzyiqi çox aşağı salınıb. Problemimizin tez bir zamanda həll olunmasını istəyirik”, - deyə sakinlər qeyd ediblər.
