Gəncədə bir sıra küçələr təmir edilir. Bu haqda Gencexeber.az-a 3 oktyabr tarixində məlumat daxil olub.
Söhbət şəhərin Müslüm Maqomayev, Məhsəti, Faiq Bayramov küçələri, Ağamirzə Əhmədov və Ruzigar Qasımov küçələrinin kəsişməsindən gedir. İlk iki ərazidə öncə piyada səkiləri, daha sonra isə avtomobil yolu asfaltlanır.
Ağamirzə Əhmədov və Ruzigar Qasımov küçələrinin kəsişməsində yolun yararsız hala düşmüş hissələrinə yamaq vurulur. Faiq Bayramov küçəsinin bir hissəsində isə asfaltlanma işləri üçün hazırlıq gedir. Səkilərin kənarına yeni bordürlər düzülür, həmçinin yol səthi bərabərləşdirilir.
[modula id="47267"]
