Bu gün şəhidlər Rauf Şahbazov, Eltac Quliyev və Rəvan Daşdəmirovun doğum günüdür.
Rauf Vaqif oğlu Daşdəmirov 6 mart 1970-ci ildə Gəncədə anadan olub. 14 yaşında karate üzrə Respublika çempionatında iştirak edən Rauf qızıl medala layiq görülüb. Orta məktəbin 8-ci sinfini bitirdikdən sonra 9 saylı peşə məktəbində təhsilini davam etdirib və avtomobil çilingəri peşəsinə yiyələnib.
1988-ci ildə həqiqi hərbi xidmətə çağırılıb və 1990-cı ildə Vətənə dönüb. 26 avqust 1992-ci ildə könüllü olaraq müharibəyə yollanıb. Rauf Vaqif oğlu Şahbazov 15 dekabr 1993-cü ildə Beyləqanın müdafiəsi uğrunda gedən döyüşlərdə şəhidlik zirvəsinə ucalıb və bir gün sonra Gəncə şəhər Şəhidlər xiyabanında dəfn olunub.
Eltac Azər oğlu Quliyev 6 mart 1998-ci ildə Gəncədə anadan olub. 2004-2015-ci illərdə 15 nömrəli tam orta məktəbdə təhsil alıb. 2016-cı ildə həqiqi hərbi xidmətə çağırılıb. Bu vaxt tarixə “4 günlük müharibə” kimi düşən Aprel döyüşlərində vuruşub.
Vətən müharibəsi zamanı cəbhəyə yollanaraq döyüşlərdə iştirak edib. 1 noyabr 2020-ci il tarixində Laçın rayonu uğrunda gedən döyüşlərdə şəhidlik zirvəsinə ucalan Eltac Gəncə şəhərinin Şəhidlər xiyabanında dəfn olunub.
Rəvan Məzahir oğlu Daşdəmirov 6 mart 1994-cü ildə Gəncədə anadan olub. 2000-2011-ci illərdə 29 nömrəli tam orta məktəbdə təhsil alıb. 2011-2015-ci illərdə Azərbaycan Dövlət Aqrar Universitetinin İnformasiya texnologiyaları və sistemləri mühəndisliyi ixtisası üzrə oxuyub.
2015-ci ildə həqiqi hərbi xidmətə yollanıb. Vətən müharibəsi zamanı hərbi təlimlərə çağırılıb. O, 27 oktyabr 2020-ci ildə Füzuli uğrunda gedən döyüşlərdə şəhidlik zirvəsinə ucalıb.
