Gəncədə binalardan birinin bərpaya ehtiyacı var. Bu haqda 22 iyun tarixində Space TV-yə istinadən məlumat veririk.
Sözügedən tikili şəhərin Şıxzamanlı qəsəbəsinin Cavad bəy Şıxlinski küçəsində yerləşir. Sakinlər bildirirlər ki, bina 1927-ci ildə tikilib. Tikilinin qəzalı olması səbəbindən əhalinin bir qismi mənzillərini tərk edərək kirayə evlərdə və ya qohumları ilə birgə yaşayırlar. Hazırda burada cəmi 6 ailə qalıb.
“Binamız qəzalı vəziyyətdədir. Nə kanalizasiya, nə də su təchizatımız yoxdur. Binamızın 100-ə yaxın yaşı var. Artıq burada yaşamağa qorxuruq. Problemimizin qısa zamanda həll olunmasını arzu edirik”, - deyə sakinlər bildirirlər.
İcra Hakimiyyətindən bildirilib ki, binanın vəziyyəti ilə bağlı digər qurumlara məlumat veriləcək.
