Gəncə-Daşkəsən Regional Təhsil İdarəsi üzrə 18 ümumi təhsil məktəbində "Peşə Təmayüllü Siniflərin təşkili" layihəsi icra edilir.
Gencexeber.az-a bu haqda rayon təhsil idarəsindən məlumat verilib.
Qeyd edilib ki, "Peşə təmayüllü siniflərin təşkili" layihəsinin həyata keçirilməsində məqsəd ümumi orta təhsil bazasında təhsilalanların peşə təhsilinə hazırlanması, onların peşə ixtisaslarına aid səriştələrinin inkişaf etdirilməsi, peşələr üzrə ilkin bilik və bacarıqlara yiyələnməsi yolu ilə əmək bazarına hazırlanmasının təmin edilməsidir.
Bildirilib ki, peşə təmayüllü sinifləri bitirən şagirdlər tam orta təhsil haqqında sənəd almaqla yanaşı, müvafiq peşələrə də yiyələnəcəklər. Bu da onların əmək bazarında özlərinə rahat iş tapmalarına yardım edəcək.
