Ağstafada “BİRLİK” Regional Festivalı baş tutacaq.
Gencexeber.az Gənclər Təşkilatları Milli Şurasına istinadən məlumat verir ki, tədbir Heydər Əliyev adına mədəniyyət və istirahət parkında olacaq.
Avqustun 28-i saat 17:00-da təşkil ediləcək festivalda iştirak üçün linkə daxil olub qeydiyyatdan keçmək lazımdır. Tədbir zamanı gənclər “workshop”larda, açıq hava konsertlərində və gənclər təşkilatlarının fəaliyyət istiqamətləri və gələcək planlarından bəhs edən sərgilərə qatılmaq imkanı əldə edəcəklər.
Festivalın əsas məqsədi regionda yaşayan gənclərin peşəkar və yumşaq bacarıqlarını artırmaq, gələcək karyera hədəflərinə dəstək olmaqdır.
