Gəncədə bəzi küçələrdə sürücülər hərəkətdə çətinlik çəkirlər. Bu haqda Gencexeber.az-a 28 iyun tarixində məlumat daxil olub.
Söhbət şəhərin Şota Rustaveli, Cavad bəy Rəfibəyli (döngələrdən biri), Aida İmanquliyeva, Fikrət Əmirov (20-ci binanın qarşısı), Zərifə Əliyeva, Ağamirzə Əhmədov və Bəxtiyar Əliyev (6-cı binanın qarşısı) küçələrindən gedir. Adıçəkilən ərazilərdə asfalt örtüyünə ehtiyac var. Sakinlər bildirirlər ki, burada yol infrastrukturu olmadığından yağmurlu havada gölməçələr yaranır.
“Küçələrə asfalt örtüyünün salınmasını istəyirik. Günəşli havada toz-torpaq, yağış yağanda isə palçıq olur hər yan. Avtomobilləri tez-tez ustaya aparmalı oluruq”, - deyə əhali qeyd edib.
Cavad xan küçəsi (“Ay-ulduz” Şadlıq Sarayının qarşısı) və Şəddadilər küçəsi ilə Nizami prospektinin kəsişməsində isə asfalt örtüyü çöküb və dərin çalalar əmələ gəlib.
[modula id="39838"]
