Gəncədə Beynəlxalq Qadınlar Günü qeyd olunub. Bu haqda 8 mart tarixində Regional Təhsil idarəsinə istinadən məlumat veririk.
Gəncə-Daşkəsən Regional Təhsil İdarəsinin (GDRTİ) təşkilatçılığı ilə 8 Mart - Beynəlxalq Qadınlar Günü münasibətilə tədbir keçirilib. Burada GDRTİ-nin müdiri Anar Qədiməliyev, sektor müdirləri, idarə əməkdaşları və ictimaiyyət nümayəndələri iştirak ediblər.
Tədbirdə məktəbəqədər təhsil müəssisələri, ümumtəhsil məktəbləri və məktəbdənkənar təhsil müəssisələrinin dərnək üzvləri müxtəlif kompozisiyalar göstəriblər. Anar Qədiməliyev qadınları 8 Mart - Beynəlxalq Qadınlar Günü münasibətilə təbrik edərək onlara işlərində müvəffəqiyyətlər arzulayıb.
Sonda bir qrup təhsil işçisi bayram münasibətilə təltif olunub.
