Gəncədə küçələrdən birində kommunal qəza baş verib. Bu haqda Gencexeber.az-a 25 avqust tarixində məlumat daxil olub.
Söhbət şəhərin Şahsevənlər küçəsindən gedir. Şahsevənlər məscidinin qarşısında sakinləri içməli su ilə təchiz edən boru partlayıb. Nəticədə küçə boyunca su axır.
Sakinlərin sözlərinə görə, bu hal bir aydan çoxdur davam edir. Onlar bildirirlər ki, aidiyyəti quruma müraciət olunub. Lakin heç bir nəticə əldə edilməyib.
“Bir aydan çoxdur boru partlayıb, su axır. Buradan keçən maşınlar suyu sıçradır piyadaların üstünə, ya da evlərin pəncərələrinə. Hər yan palçıq olur. Borunu təmir etsələr, yaxşı olar. Su boşuna axır”, - deyə sakinlər qeyd ediblər.
