Gəncədə küçələrin birində bina qəzalı vəziyyətdədir. Bu haqda Gencexeber.az-a 6 aprel tarixində məlumat daxil olub.
Söhbət şəhərin Səməd bəy Mehmandarov küçəsindən gedir. Burada yerləşən ikimərtəbəli binanın eyvanları vətəndaşlar üçün təhlükə saçır. Sakinlərin sözlərinə görə, eyvanların altındakı beton parçaları qoparaq tökülür.
Piyadalar tikilinin yanından keçməyə ehtiyat edirlər. Onlar bu haldan narahat olduqlarını bildirirlər.
Bundan başqa, bina sakinləri tikilinin təmir olunmasını arzu edirlər.
