Gəncə şəhəri ərazisində yaşayış və qeyri-yaşayış binalarında təmir işləri görülüb. Bu haqda 2 may tarixində MKTİB-yə istinadən xəbər veririk.
İşlərə Mənzil Kommunal Təsərrüfatı İstehsalat Birliyinin Təmir-Tikinti və Qəza Xidməti Şöbəsinin xüsusi texnikaları və canlı qüvvəsi cəlb olunub. Qurum qəzalı vəziyyətdə olan eyvanlarda, binaların dam örtüklərində və novdanlarında təmir-bərpa işləri həyata keçirib.
Abadlaşdırma çərçivəsində Yeni Gəncə qəsəbəsində 43 saylı binada, Atatürk prospektində 469 saylı binada və bir neçə digər ünvanlarda yaşayış binalarının dam örtüklərindəki və novdan sistemindəki, eləcə də eyvanlardakı nasazlıqlar aradan qaldırılıb. Həmçinin yararsız hala düşən novdanlar yeniləri ilə əvəzlənib.
