Gəncədə kommunal qəza baş verib. Bu haqda Gencexeber.az-a 17 avqust tarixində məlumat daxil olub.
Hadisə şəhərin Nəriman Nərimanov prospekti, 31 ünvanında qeydə alınıb. Binaların qarşısındakı kanalizasiya quyusu daşır və yol boyunca çirkab axır. Sakinlərin sözlərinə görə, bu hal bir həftəyə yaxındır davam edir.
“Hər yanı kəskin iy bürüyüb. Hava isti olduğu üçün qoxu daha da çox gəlir. Həmçinin antisanitar vəziyyət yaranır. Qəzanın aradan qaldırılmasını istəyirik”, - deyə ətrafda yaşayanlar bildiriblər.
