Gəncədə musiqili tədbir keçirilib.
Gencexeber.az Gəncə Dövlət Filarmoniyasına istinadən məlumat verir ki, "Bakıdan Gəncəyə" layihəsi XVI Beynəlxalq Musiqi Festivalı çərçivəsində baş tutub.
Klassik musiqi gecəsində Xalq artisti Sevinc İbrahimova, Əməkdar artist Kəmalə Tağızadə, filarmoniyanın solistləri Rüstəm Cəfərov, Elmir Pişnamazzadə, Vasif Bayramov, Opera və Balet Teatrının solisti Günel Hacıyeva çıxış ediblər. Burada Üzeyir Hacıbəylinin "Koroğlu" operasından Nigarın ariyası, Həsən xanın ariyası, "Arşın mal alan" operettasından Gülçöhrənin ariyası, Əsgərin mahnısı, Niyazinin "Arzu" romansı, Ş.F.Qunonun "Faust" operasından Mefistofelin kupletləri səsləndirilib.
Qeyd edək ki, proqram Gəncə Dövlət Filarmoniyası və Azərbaycan Dövlət Akademik Opera və Balet Teatrının birgə təşkilatçılığı ilə baş tutub.
