Gəncədə bir sıra sakinlər qaz təchizatı ilə bağlı çətinlik yaşayırlar. Bu haqda Gencexeber.az-a 28 avqust tarixində məlumat daxil olub.
Söhbət şəhərin Adilxan Ziyadxanov küçəsindən gedir. Bina 38-in sakinlərinin sözlərinə görə, bir həftəyə yaxındır qazın təzyiqi azdır. Bu səbəbdən onlar gündəlik həyatlarında çətinlik çəkdiklərini bildirirlər.
“Neçə gündür qazın təzyiqi çox azdır. Suyu vedrədə qızdırıb istifadə edirik hər şey üçün. Aidiyyəti quruma dəfələrlə müraciət etmişik. Düzələcəyini vəd etsələr də, problem həll olunmayıb”, - deyə sakinlər qeyd ediblər.
