Gəncədə tələbələrlə görüş keçirilib. Bu haqda 1 may tarixində ADAU-ya istinadən məlumat veririk.
“AzəriMed" Qapalı Səhmdar Cəmiyyətinin nümayəndələri Azərbaycan Dövlət Aqrar Universitetində olublar. Burada onlar tələbələrlə görüşüblər.
Tədbirin məqsədi "əczaçılıq" ixtisasında təhsil alan gənclərlə “Əczaçı bizim üçün kimdir?” və “Zamanın səmərəli istifadəsi” mövzularında maarifləndirici təlimlərin keçirilməsi olub. Görüşdə, həmçinin tələbələrə təcrübə proqramlarında iştirak və işlə təmin olunma barədə də məlumatlar verilib.
Sonda təlimdə fəallığı ilə seçilən gənclərə hədiyyələr təqdim olunub.
