Gəncədə Məhəmməd Əmin Rəsulzadənin 140 illiyi münasibəti ilə tədbir baş tutub. Bu haqda 1 fevral tarixində Heydər Əliyev Mərkəzinə istinadən xəbər veririk.
“Azərbaycan milli istiqlal mübarizəsi və Məhəmməd Əmin Rəsulzadə” mövzusunda keçirilən görüşdə 29 nömrəli tam orta məktəbin müəllim və şagirdləri iştirak ediblər.
Tədbirdə Məhəmməd Əmin Rəsulzadənin həyat və fəaliyyətindən, onun istiqlal, azadlıq uğrunda mübarizəsindən, Azərbaycanın ictimai fikir tarixində yeri və rolundan danışılıb. Həmçinin bildirilib ki, Məhəmməd Əmin Rəsulzadənin və Azərbaycan Xalq Cümhuriyyətini quran digər ziyalılarımızın ruhu şaddır. Çünki hazırda Azərbaycan onların görmək istədikləri kimi – müstəqil, güclü və tam suveren bir dövlətdir.
