Gəncədə yaşayış massivlərindən birində sakinlərin bir sıra problemləri mövcuddur. Bu haqda Gencexeber.az-a 12 iyun tarixində məlumat daxil olub.
Söhbət şəhərin “Avtozavod” adlanan Cavad xan qəsəbəsindən gedir. Burada sakinləri narahat edən bir neçə məsələ var. Belə ki, ərazidə asfalt örtüyü, kanalizasiya sistemi yoxdur. Sakinlər, həmçinin bildirirlər ki, küçələr gecə vaxtı işıqlandırılmır.
“Qəsəbəmizə ilk növbədə işıqlandırma və kanalizasiya sistemləri lazımdır. Burada xeyli ailə yaşayır. Hamımız çətinlik çəkirik. Həmçinin yollarımızda da asfalt örtüyü yoxdur. Problemlərimiz həll olunsa, çox sevinərik”, - deyə onlar qeyd ediblər.
