Gəncədə bir sıra sürücülər polis tərəfindən saxlanılıb. Bu haqda Gencexeber.az-a 4 mart tarixində məlumat daxil olub.
DİN-in mətbuat xidmətinin Gəncə regional qrupunun baş inspektoru, polis kapitanı Eşqin Qasımovun redaksiyamıza verdiyi məlumata əsasən, şəhər Baş Polis İdarəsinin Dövlət Yol Polisi Şöbəsinin əməkdaşları əməliyyat keçiriblər. Araşdırmalar zamanı “VAZ” və “Lada” markalı avtomobillərin yollarda intizamsızlıq edərək yol hərəkəti qaydalarını pozması, avtoxuliqanlıq etməsi və bununla da ictimai asayişi nümayişkaranə şəkildə pozaraq vətəndaşların narazılığına səbəb olması məlum olub.
Hər iki sürücü saxlanılaraq barələrində protokol tərtib edilib. “VAZ-2106” markalı avtomobilin sürücüsü məhkəmənin qərarı ilə 20 sutka müddətinə inzibati qaydada həbs olunub.
Bundan başqa, bir qrup gəncin müxtəlif markalı avtomobillərlə konstruksiya dəyişikliyi edərək təhlükəli manevrlər etməsi də aşkarlanıb. Onlar saxlanılaraq profilaktiki söhbət aparılıb və barələrində müvafiq tədbir görülüb. Qanunsuz dəyişikliklər aradan qaldırıldıqdan sonra nəqliyyat vasitələri istismara buraxılıb.
[modula id="33875"]
