Azərbaycan Texnologiya Universiteti ilə şirkətlərin birinin arasında görüş keçirilib. Bu haqda 9 aprel tarixində ATU-ya istinadən xəbər veririk.
Adıçəkilən təhsil ocağı "Azerbaijan Coca-Cola Bottlers" şirkəti ilə görüşüb. İşgüzar görüş universitetin rektoru Yaşar Ömərovla şirkətin Baş direktoru Rəna Məmmədovanın iştirakı ilə baş tutub.
Tədbirdə istehsalat təcrübəsinin təşkili, birgə kadr hazırlığı, elmi əməkdaşlıq, birgə tədbirlərin keçirilməsi və digər əməkdaşlıq məsələləri müzakirə edilib.
Qeyd edək ki, Coca-Cola şirkəti 2030-cu ilə qədər müəyyənləşdirdiyi Davamlı İnkişaf Öhdəliklərinin “Müxtəliflik və Daxilolma” bəndinə uyğun olaraq, müxtəlif proqramlar və ölkənin aparıcı universitetləri ilə əməkdaşlıq həyata keçirir.
