Gəncədə universitetlərdən birində cari ilin son iclası keçirilib. Bu haqda 24 iyun tarixində ATU-ya istinadən məlumat veririk.
Azərbaycan Texnologiya Universitetində Elmi Şuranın 2022/2023-cü tədris ili üzrə son iclası baş tutub. Universitetin rektoru vəzifəsini müvəqqəti icra edən Elmi Şura sədri Yaşar Ömərov kvorumu nəzərə alaraq, iclası açıq elan edib. O, gündəlikdə duran məsələləri şura üzvlərinin diqqətinə çatdırıb.
İclasda Tədris şöbəsinin müdiri Raqif Hüseynov növbəti tədris ili üzrə qəbul planının vəziyyəti barədə çıxış edib. Daha sonra Avtomatika, Telekommuniyasiya və İnformatika fakültəsinin dekanı Rövşən Hacıyevin, Kompüter mühəndisliyi və telekommunikasiya kafedrasının müdiri Sakit Verdiyevin hesabat məruzələri dinlənilib. Elmi Şurada professor-müəllim heyətinin növbəti tədris ili üzrə iş normaları, tədris metodiki vəsaitlərin təsdiqi kimi bir sıra məsələlərə baxılıb.
İclas çərçivəsində Maşın mühəndisliyi və logistika kafedrasının dosenti Nazim Vəliyev, Yüngül sənaye mühəndisliyi və Dizayn kafedrasının baş müəllimləri Maya Hümbətova, Qənirə Abbasova yubileyləri münasibətilə Fəxri Fərmanla təltif olunublar.
