Gəncədə təlim proqramı yekunlaşıb. Bu haqda 30 yanvar tarixində ADAU-ya istinadən məlumat veririk.
Azərbaycan Dövlət Aqrar Universitetinin (ADAU) Arıçılıq Tədris Mərkəzində “Arıçılıq məhsullarının istehsal texnologiyası” adlı təlim proqramı həyata keçirilib. Kurs iki həftə davam edib.
Təlim proqramında ADAU-nun Arıçılıq Tədris Mərkəzinin rəhbəri İsa İsrafilov iştirakçılarla öz bilik və təcrübələrini bölüşüb. Onlara arıçılığın mövcud vəziyyəti, arı xəstəlikləri və zərərvericilərinə qarşı mübarizə, profilaktika tədbirləri, arıların bəslənməsi və onlara düzgün qulluq qaydaları barədə məlumat verilib. Təlim günləri ərzində məruzələrdən sonra arıçılarla diskussiyalar baş tutub, sualları cavablandırılıb.
Bağlanış mərasimində universitetin rektoru Zəfər Qurbanov arıçıları təbrik edərək bu cür tədbirlərin keçirilməsinin əhəmiyyətindən bəhs edib.
Sonda təlim iştirakçılarına sertifikatlar təqdim olunub.
