Gəncədə təlim-təcrübə kursu təşkil olunub. Bu haqda Gencexeber.az-a 9 mart tarixində məlumat daxil olub.
Azərbaycan Qida Təhlükəsizliyi İnstitutu təlim-təcrübə kursuna qəbul keçirir. Qəbul Azərbaycan Dövlət Aqrar Universitetinin baytarlıq və əczaçılıq ixtisasında təhsil alan sonuncu kurs tələbələri üçün nəzərdə tutulub. Həmçinin eyni ixtisaslar üzrə təhsilini son 5 ildə başa vurmuş məzunlar da müraciət edə bilərlər.
İlkin müsahibə telefon vasitəsilə keçiriləcək. Daha sonra seçilmiş şəxslər instituta canlı və ya onlayn müsahibəyə dəvət olunacaqlar. Sonuncu müsahibədən keçənlər təlim-təcrübə kursunda iştirak edə biləcəklər.
Qeyd edək ki, müraciyət edən şəxslərin motivasiyalı olmaları, ingilis və ya rus dillərini bilmələri arzuolunandır.
Qatılmaq istəyən şəxslər CV-lərini "AQTİ – Baytarlar üçün təlim" başlığı ilə sabina.nuruzada@afsa.gov.az ünvanına göndərməlidirlər.
