Gəncədə Beynəlxalq Ana Dili Günü ilə əlaqədar dəyirmi masa təşkil olunub. Bu haqda 20 fevral tarixində Heydər Əliyev Mərkəzinə istinadən xəbər veririk.
16 nömrəli Kitabxanada “Ana dili xalqın milli kimliyidir” mövzusunda dəyirmi masa baş tutub. Burada Kəlbəcər rayon İdman və Gənclər Sektorunun əməkdaşları, Kəlbəcər rayon 8, 55 və 71 nömrəli tam orta məktəblərin müəllimləri iştirak ediblər.
Dəyirmi masada “Ana dilimizin tarixi yolu”, “Ədəbiyyatımızda ana dilinin mövqeyi”, “Azərbaycan dili - milli varlığımızdır”, “Ümummilli lider Heydər Əliyevin ana dilinin qorunması siyasətinin əsas məqsədi” və “Azərbaycan dilinin dövlət dili olaraq qorunması” mövzularında danışılıb. Bildirilib ki, dilimizin dövlət dili statusuna yüksəlməsi millətin öz taleyinə sahibliyinin, dövlət qurmaq və qorumaq qüdrətinin, eyni zamanda dilinin zənginliyinin sübutudur. Ana dilimizi qorumaq və inkişaf etdirmək hər bir azərbaycanlının müqəddəs borcudur.
