Gəncədə elmi tədbir keçirilib. Bu haqda 29 iyun tarixində AMEA-nın əlyazmalar institutuna istinadən məlumat veririk.
AMEA Əlyazmalar İnstitutunun elmi katibi Əzizağa Nəcəfzadə “Nizami Gəncəvi “İskəndərnamə”si və Frigiya əfsanələri: kəsişən xətlər, faktlar və ehtimallar” mövzusunda elmi məruzə ilə AMEA Gəncə Bölməsi əməkdaşları qarşısında çıxış edib. Alimin göstərilən mövzu ətrafında tədqiqatları bölmədə çalışan nizamişünas, tarixçi və folklorşünas alimlər tərəfindən maraqla qarşılanıb.
Müəllif tərəfindən hazırlanmış slaydla müşayiət olunan məruzə dinlənildikdən sonra dosent Nəcəfzadə elmi sessiya iştirakçılarının suallarını cavablandırıb. Daha sonra müzakirələr aparılıb, AMEA Gəncə Bölməsinin alimləri və dəvət olunan qonaqların rəyləri dinlənilib, təklif və qeydlər səsləndirilib.
