Azərbaycan Milli Elmlər Akademiyası Gəncə Bölməsində dəyirmi masa keçirilib. Bu haqda 1 fevral tarixində AMEA Gəncə Bölməsinə istinadən xəbər veririk.
Tədbir Məhəmməd Əmin Rəsulzadənin anadan olmasının 140 illiyi münasibətilə təşkil olunub. Toplantının başlanğıcında Azərbaycan Respublikasının Dövlət Himni səslənib. Vətən torpaqlarımızın bütövlüyü uğrunda canlarından keçmiş şəhidlərimizin xatirəsi bir dəqiqəlik sükutla yad edilib.
Dəyirmi masada “Nizami Gəncəvinin milli mənsubiyyətinə və ideyalarına Məhəmməd Əmin Rəsulzadə baxışı”, “Məhəmməd Əmin Rəsulzadə Nizami Gəncəvinin fəxriyyələri haqda”, “Məhəmməd Əminin yaradıcılığında Azərbaycanın tarixi irsi”, “Məhəməd Əmin Rəsulzadənin əsərləri”, “M.Ə. Rəsulzadə nə üçün Azərbaycan Cümhuriyyətinin taleyini əfsanəvi Siyavuşun obrazı ilə eyniləşdirib?”, “Məhəmməd Əmin Rəsulzadənin mühacirət həyatı” və “Bir kərə yüksələn bayraq bir daha enməz” mövzularında çıxışlar edilib.
