Gəncədə şahmat turniri başa çatıb. Bu haqda 1 may tarixində Kəpəz bələdiyyəsinə istinadən məlumat veririk.
Heydər Əliyevin anadan olmasının 100-cü ildönümünə həsr olunmuş beynəlxalq reytinqli şahmat turnirinin bağlanış mərasimi keçirilib. Müsabiqədə 90 yeniyetmə şahmatçı iştirak edib. İsveçrə sistemi ilə 9 turda keçirilmiş turnirdə ümumi və qızlar arasında ilk 3 (üç) yeri tutmuş şahmatçılar müvafiq olaraq kubok, diplom, medal və Kəpəz Bələdiyyəsi tərəfindən planşet, mobil telefon və smart saatla mükafatlandırılıblar.
Yarışın kiçik yaşlı oğlan və qız iştirakçıları fəxri fərmanlar və şahmat kitabları ilə təltif ediliblər.
