Tacikistan Respublikasının nümayəndə heyəti Gəncəyə qonaq gəlib. Bu haqda 26 dekabr tarixində Azərbaycan Dövlət Aqrar Universitetinə istinadən xəbər veririk.
Tacikistan Respublikası Hökuməti yanında Ərzaq Təhlükəsizliyi Komitəsinin nümayəndələri Azərbaycan Dövlət Aqrar Universitetində olublar. Nümayəndələr arasında sədr müavini Rano Karimzoda, Komitənin Fitosanitariya, bitkilərin karantini və toxumçuluğu şöbəsinin müdir müavini Gülbahor Tumanova, sədrin köməkçisi Saifullo Nurullozoda, Qida Təhlükəsizliyi Komitəsi yanında Milli Epizootologiya Mərkəzinin baş mütəxəssisi Məhmədəli Şəripov, Milli Texniki Koordinator İbrahim Əhmədov və FAO eksperti Eldar Mohumayev olublar.
Görüşdə qarşılıqlı əməkdaşlıq perspektivləri və birgə həyata keçirilə biləcək layihələr barədə müzakirələr aparılıb. Həmçinin qonaqlar Universitetin maddi-texniki bazası və müasir laboratoriyaları ilə yaxından tanış olublar.
