Gəncədə ikili diplom proqramı ilə bağlı tədbir keçirilib. Bu haqda 14 avqust tarixində ADAU-ya istinadən məlumat veririk.
Tədbir Azərbaycan Dövlət Aqrar Universitetində təşkil olunub. ADAU və Türkiyənin Ege Universiteti ilə birgə həyata keçirilən beynəlxalq ikili diplom proqramının rəhbər komitəsinin görüşü onlayn formatda baş tutub.
Burada elm və təhsil nazirinin müşaviri Nicat Məmmədli, Kənd Təsərrüfatı Nazirliyinin Elm, təhsil və insan resursları şöbəsinin müdir müavini Emin Əliyev, Dövlət Proqramı İdarəetmə Qrupunun rəhbəri Turan Topalova və hər iki universitetin rəhbərləri iştirak ediblər. İclas zamanı ADAU-dan Ege Universitetinə gedən tələbələrin birillik tədris və oriyentasiya proqramı haqqında məlumat verilib.
