Gəncədə universitetlərin birində seminar təşkil olunacaq. Bu haqda 12 mart tarixində ADAU-ya istinadən xəbər veririk.
"Sosial etika və milli dəyərlər" adlı seminar baş tutacaq. Tədbir Azərbaycan Dövlət Aqrar Universiteti Tələbə Həmkarlar İttifaqı Komitəsi nəzdində fəaliyyət göstərən Araşdırma klubunun təşkilatçılığı ilə keçiriləcək.
Seminarı İctimai fənlər kafedrasının müəllimi, tarix üzrə fəlsəfə doktoru dosent Sevda Abdullayeva aparacaq. Görüş 16 mart tarixində saat 11:00-da yeni tədris binası, 451-ci otaqda olacaq.
Qeyd: seminarda yalnız Azərbaycan Dövlət Aqrar Universitetinin tələbələri iştirak edə bilərlər.
